لاہور میں شدید گرمی، پارہ 36 ڈگری تک جانے کا امکان

لاہور: پنجاب کا دل لاہور آج بھی شدید گرمی کی لپیٹ میں ہے۔ صبح سے ہی سورج آگ برسا رہا ہے اور درجہ حرارت 30 ڈگری سینٹی گریڈ تک پہنچ چکا ہے۔ محکمہ موسمیات نے پیش گوئی کی ہے کہ آج درجہ حرارت 36 ڈگری تک جا سکتا ہے۔

گرمی کے ساتھ شہر میں فضائی آلودگی میں بھی اضافہ ہو رہا ہے، جو شہریوں کی صحت کے لیے خطرناک ثابت ہو سکتا ہے۔ ایئر کوالٹی انڈیکس کے مطابق لاہور کی فضا غیر صحت بخش سطح پر پہنچ چکی ہے۔

ادھر محکمہ موسمیات کا کہنا ہے کہ آئندہ 24 گھنٹوں کے دوران پنجاب کے مختلف اضلاع میں گرج چمک کے ساتھ بارش کا امکان ہے۔ ممکنہ بارش سے گرمی میں وقتی کمی آ سکتی ہے، تاہم نشیبی علاقوں میں پانی جمع ہونے کا خدشہ بھی موجود ہے۔