ممبئی میں نئی لگژری سرمایہ کاری؟ پریتی زنٹا کی پراپرٹی فروخت کی خبریں

ممبئی: بالی ووڈ کی مشہور اداکارہ پریتی زنٹا نے ممبئی کے علاقے باندرہ میں اپنا اپارٹمنٹ ساڑھے 18 کروڑ روپے میں فروخت کر دیا ہے۔

ذرائع کے مطابق یہ اپارٹمنٹ انہیں اپریل 2025 میں پرانی عمارت کی نئی تعمیر کے بعد الاٹ کیا گیا تھا۔

یہ اداکارہ کی گزشتہ چار ماہ میں فروخت کی جانے والی دوسری پراپرٹی ہے، نومبر 2025 میں انہوں نے ایک اور اپارٹمنٹ 14 کروڑ روپے سے زائد میں بیچا تھا۔

اطلاعات کے مطابق ممکن ہے کہ نومبر کی فروخت سے حاصل ہونے والی رقم کو وہ باندرہ، ممبئی میں تقریباً 100 کروڑ روپے مالیت کی نئی پراپرٹی میں دوبارہ سرمایہ کاری کریں۔