ملک بھر میں سونے کی قیمتوں میں بڑی کمی، فی تولہ نرخ مزید گر گئے

کراچی: ملک بھر میں سونے کی قیمتوں میں کمی کا رجحان دیکھا گیا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 2 ہزار 100 روپے کمی کے بعد مزید سستا ہو گیا ہے اور نئی قیمت 4 لاکھ 77 ہزار 862 روپے تک پہنچ گئی ہے۔

اسی طرح 10 گرام سونے کی قیمت میں بھی 1 ہزار 801 روپے کی کمی ریکارڈ کی گئی ہے، جس کے بعد یہ نرخ 4 لاکھ 9 ہزار 689 روپے پر آ گئے ہیں۔

عالمی منڈی میں بھی سونے کے بھاؤ میں کمی دیکھی گئی ہے، جہاں فی اونس قیمت 21 ڈالر کم ہو کر 4555 ڈالر رہ گئی ہے۔