مئی 2025 کی کشیدگی میں پاکستان کا مؤثر دفاعی ردعمل :عظمیٰ بخاری کا مؤقف

لاہور: وزیر اطلاعات پنجاب عظمیٰ بخاری نے کہا ہے کہ مئی 2025 میں بھارت کی جانب سے پیدا ہونے والی کشیدگی کے دوران پاکستان نے ذمہ دارانہ اور مؤثر دفاعی ردعمل دیا۔انہوں نے کہا کہ پہلگام واقعے کے بعد پیدا ہونے والی صورتحال کے تناظر میں خطے میں تناؤ میں اضافہ ہوا، تاہم پاکستان نے اپنی دفاعی حکمت عملی کے ذریعے صورتحال کو کنٹرول کیا۔

عظمیٰ بخاری کے مطابق پاک افواج نے پیشہ ورانہ مہارت کے ساتھ قومی دفاع کو یقینی بنایا اور ہر سطح پر مؤثر تیاری کا مظاہرہ کیا۔ ان کا کہنا تھا کہ اس دوران پیدا ہونے والی صورتحال کو ملکی اور بین الاقوامی سطح پر بھی توجہ حاصل ہوئی۔