وزیراعلیٰ پنجاب مریم نواز شریف کا سکیورٹی صورتحال کا جائزہ لینے کے لیے ایپکس کمیٹی کا اجلاس

لاہور : وزیراعلیٰ پنجاب مریم نواز شریف نے پنجاب میں امن و امان اور سکیورٹی کی صورتحال کا جائزہ لینے کے لیے آج صوبائی ایپکس کمیٹی کا اجلاس طلب کر لیا ہے۔

ذرائع کے مطابق، اس اجلاس میں پنجاب کی مجموعی سکیورٹی پر تفصیل سے بات کی جائے گی، اور دہشت گردی کے خدشات اور سکیورٹی چیلنجز کا جائزہ لیا جائے گا۔

اجلاس میں سول اور عسکری حکام شریک ہوں گے اور پنجاب کے سکیورٹی انتظامات کا مکمل جائزہ پیش کیا جائے گا۔ اس کے علاوہ، حساس مقامات کی حفاظت، انٹیلی جنس کی معلومات اور ممکنہ خطرات سے نمٹنے کی حکمت عملی پر بھی غور کیا جائے گا۔

اس کمیٹی کے اجلاس میں سکیورٹی اداروں کی کارکردگی پر بات کی جائے گی، اور پنجاب میں امن برقرار رکھنے کے لیے مزید مؤثر اقدامات پر غور کیا جائے گا۔