سعودی عرب میں شدید گرمی، عازمین حج کو احتیاط کی ہدایت

جدہ :سعودی عرب میں غیر معمولی گرمی کے باعث عازمین حج کو بتایا گیا ہے کہ وہ عرفات کے دن صبح 10 بجے سے شام 4 بجے تک اپنے خیموں میں رہیں۔ اس وقت زیادہ دھوپ اور گرمی لگنے کا خطرہ ہوتا ہے۔

سعودی وزیر حج و عمرہ کا کہنا ہے کہ یہ ہدایت عازمین کی صحت اور حفاظت کے لیے دی گئی ہے۔ وزارت صحت نے بھی خبردار کیا ہے کہ عرفات کے دن پہاڑوں پر چڑھنا جسم پر زیادہ بوجھ ڈالتا ہے، جس سے گرمی لگنے کا خطرہ بڑھ جاتا ہے۔

ماہرین کا کہنا ہے کہ اس سال درجہ حرارت 40 ڈگری سے زیادہ ہونے کا امکان ہے، اس لیے عازمین کو پانی زیادہ پینے اور دھوپ سے بچنے کی سختی سے ہدایت کی گئی ہے۔

پاکستان کے وزیراعظم شہباز شریف اور فیلڈ مارشل عاصم منیر کل سعودی عرب جائیں گے تاکہ حج کے انتظامات کا جائزہ لیں۔