چیٹ جی پی ٹی کب زیادہ درست جواب دیتا ہے؟

کیلیفورنیا: ایک حیران کن تحقیق میں کہا گیا ہے کہ ChatGPT انسانی انداز میں کیے جانے والے سوالات کے جواب میں مختلف ردعمل دیتا ہے، اور بدتمیز انداز کے سوالات پر زیادہ درستگی دکھاتا ہے۔

پین اسٹیٹ یونیورسٹی کے محققین نے GPT-4o ماڈل پر 250 سے زائد مختلف پرامپٹس آزما کر یہ دریافت کیا کہ جارحانہ یا سخت انداز کے سوالات پر AI کی درستگی سب سے زیادہ رہی۔ محققین کے مطابق، بہت بدتمیز پرامپٹس، جیسے "ارے، یہ حل کرو"، نے 84.8 فیصد درست جوابات دیے، جو مؤدبانہ انداز کے سوالات سے تقریباً چار فیصد زیادہ تھے، جیسے "کیا آپ مہربانی کرکے درج ذیل سوال حل کریں گے؟"۔

تحقیق کے شریک مصنف پروفیسر آکھیل کمار کا کہنا ہے کہ یہ نتیجہ ظاہر کرتا ہے کہ AI انسانی تعامل کے دوران ٹون اور جملوں کے انداز کے مطابق مختلف ردعمل دیتا ہے۔ انہوں نے مزید کہا کہ سوال پوچھنے کے چھوٹے طریقے بھی نتائج پر نمایاں اثر ڈال سکتے ہیں۔

تاہم محققین نے خبردار کیا کہ AI کے ساتھ بدتمیز انداز کو معمول بنانا خطرناک ہو سکتا ہے، کیونکہ یہ برے ابلاغی رویے کو فروغ دے سکتا ہے اور AI کی رسائی اور شمولیت پر منفی اثر ڈال سکتا ہے۔

یہ تحقیق انسانی اور AI تعامل کے اخلاقی اور عملی پہلوؤں کو اجاگر کرتی ہے اور بتاتی ہے کہ سوال کا انداز بھی اتنا ہی اہم ہے جتنا کہ سوال خود۔