مزدوروں کا عالمی دن: گوگل کا ڈوڈل اور محنت کشوں کی حالتِ زار

لاہور: دنیا بھر میں یکم مئی کو مزدوروں کا عالمی دن عقیدت کے ساتھ منایا جا رہا ہے، جس کا مقصد محنت کشوں کی خدمات اور ان کی اہمیت کو تسلیم کرنا ہے۔ اس موقع پر گوگل نے خصوصی طور پر ایک ڈوڈل جاری کیا ہے، جس میں مختلف محنت کش اپنی روزمرہ کی ذمہ داریاں ادا کرتے ہوئے دکھائے گئے ہیں، تاکہ ان کی محنت کو خراجِ تحسین پیش کیا جا سکے۔

مزدوروں کا عالمی دن ہر سال یکم مئی کو منایا جاتا ہے، جس کا آغاز 1886 میں شکاگو کے مزدوروں کی جدوجہد سے ہوا تھا، جب انہوں نے آٹھ گھنٹے کام کے حق کے لیے مظاہرے کیے تھے۔ گوگل کا ڈوڈل اس دن کی اہمیت کو عالمی سطح پر اجاگر کرتا ہے۔

تاہم، پاکستانی محنت کشوں کے لیے یہ دن صرف علامتی حیثیت رکھتا ہے، کیونکہ بیشتر مزدور اس دن کی اصل اہمیت سے بے خبر ہیں اور اپنے خاندان کا پیٹ پالنے کے لیے اپنی روزانہ کی محنت میں مصروف ہیں۔