کراچی :ایم کیو ایم کے رہنما ڈاکٹر فاروق ستار نے کہا ہے کہ گل پلازہ سانحے کی سنگینی سے توجہ ہٹانے کی کوشش کی جا رہی ہے اور اس کے لیے فوری انکوائری کمیشن بنایا جانا چاہیے۔
انہوں نے نشاندہی کی کہ وزیراعلیٰ سندھ تقریباً ایک دن بعد اور میئر کراچی 23 گھنٹے بعد جائے حادثہ پر پہنچے، جس سے عوام میں سوالات پیدا ہوئے۔ ڈاکٹر فاروق ستار کا کہنا تھا کہ سندھ حکومت سوالات کے جواب دینے کے بجائے عوام کو گمراہ کر رہی ہے اور حقیقی تحقیقات کے بعد ہی آگ لگنے کی وجہ معلوم ہو سکے گی۔