خواجہ عمران نذیر بچوں کو پولیو کے قطرے پلانے خود گھروں میں پہنچ گئے

لاہور: انسداد پولیو مہم کے پہلے دن صوبائی وزیر صحت خواجہ عمران نذیر خود فیلڈ میں نکل آئے اور لاہور کے مختلف علاقوں کا دورہ کیا۔ نہ صرف پولیو ٹیموں کی کارکردگی کا جائزہ لیا بلکہ خود بچوں کو پولیو کے قطرے بھی پلائے۔
پولیو ورکرز سے ملاقات کے دوران انہوں نے ٹیم کی حوصلہ افزائی کی اور ان کی محنت کو سراہا۔ انہوں نے کہا کہ مریم نواز شریف کی واضح ہدایت ہے کہ انسداد پولیو مہم کسی صورت سست روی کا شکار نہ ہو، اس لیے حکومت نے تمام وسائل مہیا کیے ہیں۔
فیلڈ وزٹ کے دوران کئی والدین نے پولیو ٹیموں کو خوش آمدید کہا جبکہ خواجہ عمران نذیر نے اس جذبے کو "ایک نئی امید" قرار دیا۔