اسلام آباد: مشرقِ وسطیٰ کے بحران پر پاکستان اور یورپی یونین کے درمیان اعلیٰ سطح کا رابطہ؛ صدر یورپی کونسل انتونیو کوسٹا نے وزیراعظم شہباز شریف کو فون کر کے اہم معاملات پر مشاورت کی۔ یورپی کونسل کے صدر نے خطے میں تناؤ کم کرنے کے لیے پاکستان کی کوششوں کو سراہتے ہوئے کہا کہ یورپی یونین پاکستان کے تعمیری اقدامات کی حمایت کرتی ہے۔
وزیراعظم شہباز شریف نے صدر کوسٹا کو پاکستان کے حالیہ سفارتی مشن اور امن کے لیے اٹھائے گئے اقدامات پر اعتماد میں لیا۔ دونوں رہنماؤں نے اس عزم کا اعادہ کیا کہ دیرپا عالمی امن کے لیے مذاکرات اور سفارت کاری ناگزیر ہے۔