نیوزی لینڈ دورے کی تیاری کے لیے قومی کرکٹ ٹیم کا تربیتی کیمپ لاہور میں آج سے شروع

لاہور: پاکستان کرکٹ ٹیم کا نیوزی لینڈ کے خلاف سیریز کی تیاری کے لیے تربیتی کیمپ آج سے لاہور میں شروع ہو رہا ہے، جو 10 مارچ تک جاری رہے گا۔
ٹیم کا تربیتی سیشن ہر روز رات 9 بجے ایل سی سی اے گراؤنڈ پر ہوگا۔ 12 مارچ کو ٹیم نیوزی لینڈ روانہ ہو گی، جہاں 16 مارچ سے پانچ ٹی 20 میچوں کی سیریز شروع ہوگی، اور اس کے بعد تین ون ڈے میچوں کی سیریز 29 مارچ سے کھیلی جائے گی۔