عالمی منڈی میں تیل کا بحران: برطانوی خام تیل کی قیمت 4 سال کی بلند ترین سطح پر پہنچ گئی

لندن/نیویارک: مشرق وسطیٰ میں بڑھتی ہوئی کشیدگی اور آبنائے ہرمز کی مسلسل ناکہ بندی کے نتیجے میں عالمی منڈی میں خام تیل کی قیمتوں میں زبردست اضافہ ریکارڈ کیا گیا ہے، جس نے گزشتہ چار سال کے تمام ریکارڈ توڑ دیے ہیں۔
عالمی تجارتی منڈیوں میں برطانوی خام تیل (Brent Crude) کی قیمت میں اچانک 8 فیصد کا بڑا اضافہ دیکھنے میں آیا ہے۔ اس اضافے کے بعد خام تیل کی نئی قیمت 121 ڈالر فی بیرل کی سطح پر پہنچ گئی ہے۔ معاشی ماہرین اس صورتحال کو عالمی معیشت کے لیے ایک بڑا جھٹکا قرار دے رہے ہیں۔ امریکی صدر ڈونلڈ ٹرمپ کی جانب سے ایران کے ساتھ نئے جوہری معاہدے تک آبنائے ہرمز کی ناکہ بندی برقرار رکھنے کے اعلان نے سپلائی میں تعطل پیدا کر دیا ہے۔
 صدر ٹرمپ کی جانب سے ایران کی نئی تجاویز کی مستردگی اور "جنگی مقاصد کے حصول" کے بیانات نے سرمایہ کاروں میں شدید خوف و ہراس پھیلایا ہے۔عالمی منڈی میں تیل کی رسد (Supply) کم ہونے کے خدشے نے قیمتوں کو تیزی سے اوپر دھکیل دیا ہے۔