لاہور : پاکستان کرکٹ بورڈ نے بھارتی فاسٹ باؤلر ارشدیپ سنگھ کے خلاف انٹرنیشنل کرکٹ کونسل (آئی سی سی) میں شکایت کر دی ہے۔ یہ شکایت ضابطہ اخلاق کی خلاف ورزی کے باعث کی گئی ہے۔
ذرائع کے مطابق، ارشدیپ سنگھ نے 21 ستمبر کو میچ کے آخر میں نازیبا اشارے کیے، جو کہ آئی سی سی کے قواعد کی خلاف ورزی ہیں۔ پاکستان کی طرف سے آئی سی سی کو بتایا گیا ہے کہ ان اشاروں سے نہ صرف کھیل کی عزت متاثر ہوئی بلکہ تماشائیوں کو بھی بد تمیزی کا سامنا کرنا پڑا۔
پی سی بی نے مطالبہ کیا ہے کہ آئی سی سی ارشدیپ کے خلاف کارروائی کرے تاکہ کھیل کا معیار اور ساکھ برقرار رہے۔
یاد رہے کہ اس سے پہلے بھی پاکستان کرکٹ بورڈ نے بھارتی کپتان سوریا کمار یادیو کے خلاف آئی سی سی میں شکایت کی تھی، کیونکہ انہوں نے میچ کے بعد پریس کانفرنس میں سیاسی باتیں کر کے کھیل کی عزت کو نقصان پہنچانے کی کوشش کی تھی۔