ممبئی: بالی وڈ کے مشہور پروڈیوسر اور ہدایت کار کرن جوہر نے فلمی دنیا میں وفاداری کی کمی کا انکشاف کیا ہے۔ حال ہی میں دیے گئے ایک انٹرویو میں انہوں نے اداکاروں کی مسلسل منتقلی اور انڈسٹری میں اعتماد کی کمی پر بات کی۔
کرن جوہر کے مطابق، اداکار ہر دو سال کے بعد اپنی موجودہ ایجنسی چھوڑ کر دوسری ایجنسی سے وابستہ ہو جاتے ہیں کیونکہ وہ خود کو غیر محفوظ محسوس کرتے ہیں اور سمجھتے ہیں کہ وہ کسی جگہ مستقل نہیں رہ سکتے۔ انہوں نے کہا کہ اس شعبے میں کوئی مکمل وفادار نہیں ہے اور ٹیلنٹ ایک جگہ مستقل طور پر قائم نہیں رہتا۔
انہوں نے یہ بھی بتایا کہ دو سال کسی اداکار کو سنبھالنے اور ان کی تربیت میں لگ جاتے ہیں، لیکن پھر وہ اچانک کہیں اور چلے جاتے ہیں۔ بعض اوقات وہ نئی جگہ پر خوش نہیں ہوتے اور واپس آنا چاہتے ہیں۔
بھارتی میڈیا کے مطابق کرن جوہر کے یہ بیانات اداکارہ جھانوی کپور کے دھرما پروڈکشنز چھوڑ کر کلیکٹو آرٹسٹ نیٹ ورک میں شامل ہونے کے چند ماہ بعد سامنے آئے، جو بالی وڈ میں ٹیلنٹ کی بڑھتی ہوئی منتقلی اور وفاداری کی کمی کو واضح کرتے ہیں۔