لاہور:مون سون کی طوفانی بارشوں نے ملک کے مختلف علاقوں میں تباہی مچا دی ہے۔ دریائے چناب میں قادر آباد اور چنیوٹ کے مقام پر اونچے درجے کا سیلاب آنے سے متعدد قریبی دیہات زیرِ آب آ گئے ہیں، جبکہ انتظامیہ نے متاثرہ علاقوں میں امدادی سرگرمیاں تیز کر دی ہیں۔
دوسری جانب لاہور، گوجرانوالہ اور دیگر بڑے شہروں میں ریکارڈ بارشوں کے باعث سڑکیں، شاہراہیں اور نشیبی علاقے پانی میں ڈوب گئے ہیں، جس سے شدید اربن فلڈنگ کی صورتحال پیدا ہو گئی ہے۔ خیبر پختونخوا اور بلوچستان میں بھی مسلسل بارشوں کے باعث ندی نالے بپھر گئے ہیں، جبکہ ریسکیو ادارے الرٹ ہیں اور شہریوں کو احتیاطی تدابیر اختیار کرنے کی ہدایت کی گئی ہے۔