راولپنڈی: آرمی چیف جنرل سید عاصم منیر نے برطانیہ کے اہم دورے کا آغاز کر دیا ہے، جہاں وہ رائل ملٹری اکیڈمی سینڈہرسٹ کی کانفرنس میں شرکت کریں گے۔ اس کانفرنس میں جنرل عاصم منیر پاکستان کے مستقبل کے حوالے سے اہم خیالات کا اظہار کریں گے۔ یہ کانفرنس عالمی دفاعی امور پر گفتگو کرنے کے لیے ایک اہم پلیٹ فارم ہے۔
دورے کے دوران، جنرل عاصم منیر کو سینڈہرسٹ میں رائل ہارس گارڈ پریڈ گراؤنڈ میں گارڈ آف آنر پیش کیا جائے گا۔ اس موقع پر آرمی چیف برطانوی عسکری اور سول قیادت سے ملاقات کریں گے، جن میں برطانوی چیف آف ڈیفنس اسٹاف، چیف آف جنرل اسٹاف اور نیشنل سیکیورٹی ایڈوائزر شامل ہیں۔ آرمی چیف کا دورہ لینڈ وار فیئر سینٹر اور فرسٹ اسٹرائیک بریگیڈ کا بھی شیڈول ہے۔