لاہور: پاکستانی اداکارہ ہانیہ عامر، جو اپنے معروف ڈرامے "کبھی میں کبھی تم" کی بدولت شہرت کی بلندیوں تک پہنچی ہیں، حالیہ میں ایک جرات مندانہ فوٹو شوٹ کی وجہ سے سوشل میڈیا پر شدید تنقید کا سامنا کر رہی ہیں۔
ہانیہ عامر نے اپنی سالگرہ کے موقع پر ایک منفرد فوٹو شوٹ کروایا جس میں وہ پانی میں مرمیڈ کی طرح ادائیں دیتی ہوئی نظر آئیں۔ یہ ان کا پہلا موقع تھا جب انہوں نے اس انداز میں تصاویر شیئر کیں، مگر سوشل میڈیا صارفین نے ان کی اس حرکت کو پسند نہیں کیا اور ان پر شدید ردعمل دیا۔
کئی افراد نے فوٹو شوٹ کو اخلاقی حدود کے خلاف قرار دیتے ہوئے ہانیہ سے اپیل کی کہ وہ اپنی تصاویر فوراً ہٹا دیں۔ اس فوٹو شوٹ میں ہانیہ سوئمنگ پول میں چمکدار پلاسٹک لباس میں نظر آئیں، جس میں ان کی جسمانی ساخت واضح طور پر دکھائی دے رہی تھی۔