کیلیفورنیا:یوٹیوب کے ابتدائی تخلیق کار اور معروف چینل ’دی ڈیلی وو‘ کے مالک ڈیوڈ ایڈم ولیمز 51 سال کی عمر میں چل بسے۔ پولیس کے مطابق ویلفیئر چیک کے دوران رابطہ نہ ہونے پر ایک قریبی دوست نے ان کے گھر کا دورہ کیا، جہاں انہیں ان کی لاش ملی۔
ڈیوڈ 2009 سے یوٹیوب پر سرگرم تھے اور اپنے دوستانہ انداز اور امریکی شہروں، تھیم پارکس اور پوشیدہ مقامات کے وی لاگز کے ذریعے لاکھوں مداحوں کے دل جیت چکے تھے۔ موت کی اصل وجوہات تاحال معلوم نہیں ہو سکیں، اور تحقیقات جاری ہیں۔