نیویارک : اقوام متحدہ کی سلامتی کونسل کے اجلاس میں وینزویلا کے خلاف امریکا کے فوجی اور اقتصادی دباؤ کو بڑھانے پر روس اور چین نے امریکا پر کڑی تنقید کی۔ اجلاس میں وینزویلا کے نمائندے نے امریکا کے اقدامات پر ردعمل دیتے ہوئے کہا کہ امریکا کا جنگی قوانین کو جواز بنا کر اپنے اقدامات کی حمایت کرنا "مضحکہ خیز" ہے۔
امریکا کے مندوب نے اس پر جواب دیتے ہوئے کہا کہ امریکا اپنی سرحدوں اور عوام کی حفاظت کے لیے اپنی پوری طاقت استعمال کرے گا۔
یاد رہے کہ امریکا نے وینزویلا کے صدر نیکولاس مادورو کی حکومت پر منشیات کی سمگلنگ اور دہشت گردی کے الزامات لگائے ہیں، جس کے تحت اس نے وینزویلا پر اقتصادی دباؤ بڑھایا ہے۔ وینزویلا نے اس دباؤ کو غیر قانونی قرار دیتے ہوئے ہمیشہ امریکا کی مذمت کی ہے۔