لندن: آبنائے ہرمز کی بحالی کیلئے 30 ملکی عسکری اتحاد کا مشاورتی اجلاس آج شروع ہوگا

لندن: عالمی تجارت کی اہم ترین گزرگاہ، آبنائے ہرمز، کو کھلوانے کے لیے برطانوی دارالحکومت میں آج سے ایک اہم دو روزہ بین الاقوامی کانفرنس کا آغاز ہو رہا ہے۔ اس کانفرنس میں دنیا کے 30 ممالک کے اعلیٰ سطحی فوجی منصوبہ ساز (Military Planners) سر جوڑ کر بیٹھیں گے۔
برطانوی وزارتِ دفاع کے مطابق، اس اہم بیٹھک میں شریک ممالک اپنی عسکری صلاحیتوں کا جائزہ لیں گے۔ کانفرنس کے اہم نکات درج ذیل ہیں۔ خطے میں ایک مربوط اور مشترکہ کمانڈ سسٹم کی تشکیل پر غور کیا جائے گا۔ بحری راستوں کی حفاظت کے لیے مختلف ممالک کی افواج کو مخصوص مقامات پر تعینات کرنے کی حکمتِ عملی طے کی جائے گی۔
 تمام ممالک اپنے دفاعی ڈھانچے اور تکنیکی وسائل کے حوالے سے تفصیلی بریفنگ دیں گے۔یہ کانفرنس ایک ایسے وقت میں منعقد کی جا رہی ہے جب آبنائے ہرمز میں بڑھتی ہوئی کشیدگی نے عالمی سپلائی چین کو خطرے میں ڈال دیا ہے۔ 30 ملکوں کے فوجی ماہرین کی یہ مشاورت اس بات کا واضح اشارہ ہے کہ عالمی طاقتیں سٹریٹجک گزرگاہوں کے تحفظ کے لیے مشترکہ عسکری اقدام پر سنجیدگی سے غور کر رہی ہیں۔