نیویارک : نیو یارک میں نائب وزیراعظم اسحاق ڈار کی اقوام متحدہ کے سیکرٹری جنرل انتونیو گوتریس سے ملاقات ہوئی جس میں پاکستان کے عالمی تعاون کے لیے عزم کا اظہار کیا گیا۔ سیکرٹری جنرل نے پاکستان کی سلامتی کونسل میں شمولیت اور کوششوں کو سراہا۔
اسحاق ڈار نے اس موقع پر کہا کہ پاکستان اقوام متحدہ کے اصولوں پر مکمل عمل پیرا ہے اور عالمی امن کے فروغ کے لیے بات چیت اور سفارتکاری ضروری ہے۔ انہوں نے اقوام متحدہ کی جنرل اسمبلی کے صدر سے بھی ملاقات کی جہاں بھارت کی جارحیت اور پاکستان کے خلاف غلط پروپیگنڈے پر تشویش کا اظہار کیا۔ اسحاق ڈار نے دنیا سے مطالبہ کیا کہ وہ بھارت کی حمایت یافتہ دہشتگرد گروہوں کی پاکستان میں کارروائیوں پر توجہ دے۔
اس کے علاوہ، انہوں نے اقوام متحدہ کے اعلیٰ سطح کے پائیدار ترقیاتی فورم میں شرکت کی اور کہا کہ پاکستان 2030 کے ترقیاتی اہداف کے حصول کے لیے پرعزم ہے۔ اسحاق ڈار نے خوراک کے بحران اور موسمیاتی تبدیلی کو بڑے چیلنجز قرار دیا اور بتایا کہ ‘اڑان پاکستان’ پروگرام ملکی ترقی کے لیے ایک اہم قدم ہے۔ ساتھ ہی، وہ مستحق بچوں کے لیے دانش سکولز کے قیام کا بھی ذکر کیا جو تعلیم میں مدد فراہم کریں گے۔