ماؤنٹ مانگنوئی: نیوزی لینڈ نے تیسرے ٹیسٹ میچ میں شاندار کارکردگی دکھاتے ہوئے ویسٹ انڈیز کو 323 رنز سے شکست دی اور تین میچوں کی سیریز 0-2 سے اپنے نام کر لی۔
نیوزی لینڈ نے ویسٹ انڈیز کو جیت کے لیے 462 رنز کا ہدف دیا، لیکن مہمان ٹیم صرف 138 رنز ہی بنا سکی اور آل آؤٹ ہو گئی۔ ویسٹ انڈیز کی جانب سے برینڈن کنگ 67 رنز کے ساتھ سب سے نمایاں بلے باز رہے، لیکن باقی کھلاڑیوں میں سے کوئی بھی ڈبل فگر تک نہیں پہنچ سکا۔ جان کیمپبل صرف 16 رنز بنا سکے۔
نیوزی لینڈ کی طرف سے جیکب ڈفی نے شاندار بولنگ کی اور 5 وکٹیں حاصل کیں، جبکہ اعجاز پٹیل نے 3 کھلاڑیوں کو آؤٹ کیا۔ میچ میں نیوزی لینڈ نے پہلی اننگز میں 575 رنز بنا کر اننگز ڈکلیئر کی، اور دوسری اننگز میں 2 وکٹوں پر 306 رنز بنا کر میچ ختم کر دیا۔ ویسٹ انڈیز نے پہلی اننگز میں 420 رنز بنائے تھے، لیکن نیوزی لینڈ کی بولنگ کے سامنے ان کی بیٹنگ لائن ناکام ہو گئی۔
میچ کے اختتام پر نیوزی لینڈ کے ڈیون کانوے کو "پلیئر آف دی میچ" کا اعزاز ملا، جبکہ جیکب ڈفی کو "پلیئر آف دی سیریز" قرار دیا گیا۔