کراچی:پاکستانی ٹی وی و فلم انڈسٹری کی مشہور اداکارہ حریم فاروق نے اپنی شادی سے متعلق سوالات پر مزاحیہ اور دلچسپ جوابات دیے ہیں۔ اداکارہ حال ہی میں ایک نجی ٹی وی چینل کے مارننگ شو میں مہمان کے طور پر شریک ہوئیں اور اس دوران انہوں نے اپنی شادی کے بارے میں کھل کر بات کی۔
حریم فاروق نے بتایا کہ کامیاب شادی کے لیے یہ ضروری نہیں کہ لڑکی کو گھر کے کام آتے ہوں، بلکہ اس کے لیے ایک دوسرے کا سمجھنا، پیار اور صبر اہم ہے۔ انہوں نے کہا کہ وہ خود بھی گھر کے کام کرتی ہیں اور شادی کے بعد اس میں کوئی پریشانی نہیں سمجھتیں۔
شادی کے حوالے سے مزید مذاق کرتے ہوئے حریم نے کہا کہ "آج کل شادی کے بارے میں اتنے سوالات ہو رہے ہیں کہ کہیں میری شادی نہ ہو جائے!" انہوں نے یہ بھی کہا کہ انہوں نے دیکھا ہے کہ جو فہد مصطفیٰ کے شو میں جاتے ہیں یا عثمان مختار کے ساتھ کام کرتے ہیں، ان کی شادی ہو جاتی ہے، لیکن ان دونوں کے ساتھ کام کرنے کے باوجود ان کی شادی نہیں ہوئی۔
حریم فاروق نے یہ بھی کہا کہ ان کے گھر والے ان سے شادی کے بارے میں پوچھتے ہیں، اور وہ انہیں بتاتی ہیں کہ ان کے پاس کوئی رشتہ نہیں آیا۔ انہوں نے گھر والوں سے کہا ہے کہ وہ اگر رشتہ ڈھونڈ لیں تو وہ شادی کے لیے تیار ہیں۔