میکسیکو سٹی : میکسیکو سٹی کے ایئرپورٹ پر ایک پائلٹ نے اپنی تنخواہ نہ ملنے پر طیارہ اُڑانے سے انکار کر دیا اور خود کو کاک پٹ میں بند کر لیا، جس کے باعث پرواز میں تاخیر ہوئی۔
مقامی میڈیا کے مطابق، یہ واقعہ اس وقت پیش آیا جب طیارہ اُڑان بھرنے کے لیے تیار تھا اور مسافر اپنے مقامات تک پہنچنے کے لیے انتظار کر رہے تھے۔ پائلٹ نے مسافروں سے کہا کہ وہ طیارہ تب تک نہیں اُڑائے گا جب تک اسے اس کی 5 ماہ کی تنخواہ اور سفری الاؤنس نہیں مل جاتے۔ پائلٹ نے مزید بتایا کہ وہ تین بچوں کا باپ ہے اور اب اس کا صبر ختم ہو چکا ہے۔
بعد میں ایئرپورٹ حکام نے پائلٹ کو گرفتار کر لیا اور مسافروں کو بحفاظت طیارے سے اُتار لیا۔