مودی سرکار کا سفارتی جھوٹ بے نقاب: آبنائے ہرمز میں رعایت کے دعوے خود بھارتی وزیر خارجہ نے مسترد کر دیے

نئی دہلی:بھارتی میڈیا کی جانب سے آبنائے ہرمز (Strait of Hormuz) میں بھارت کو خصوصی مراعات ملنے کے دعوؤں کی حقیقت کھل کر سامنے آ گئی ہے۔ خود بھارتی وزیر خارجہ نے ان خبروں کو بے بنیاد قرار دے کر مسترد کر دیا ہے، جس سے مودی حکومت کے پروپیگنڈا مشینری کو شدید سبکی کا سامنا کرنا پڑا ہے۔
بھارتی جریدے کی ایک حالیہ رپورٹ کے مطابق، ایران کے ساتھ بڑھتی ہوئی کشیدگی اور توانائی کے سنگین بحران پر عوامی ردعمل سے بچنے کے لیے مودی حکومت نے دانستہ طور پر میڈیا کے ذریعے جھوٹی خبریں پھیلائیں۔ "گودی میڈیا" نے یہ تاثر دینے کی کوشش کی کہ بھارت نے آبنائے ہرمز جیسے حساس عالمی تجارتی راستے پر کوئی بڑی سفارتی کامیابی حاصل کر لی ہے، جو کہ حقیقت کے بالکل برعکس نکلا۔
رپورٹ میں انکشاف کیا گیا ہے کہ بھارت اس وقت توانائی کے شعبے میں شدید مشکلات کا شکار ہے، جس کی بڑی وجوہات درج ذیل ہیں  ۔   تہران کے ساتھ تعلقات میں بگاڑ اور غلط پالیسی فیصلوں نے بھارت کی پیٹرولیم سپلائی چین کو متاثر کیا ہے۔ بھارت اپنی توانائی کی ضروریات کے لیے غیر مستحکم عالمی راستوں کا محتاج ہے، جہاں اسے کوئی خاص رعایت حاصل نہیں ہے۔
دفاعی اور معاشی ماہرین کا کہنا ہے کہ مودی حکومت بلند و بانگ دعوؤں کے باوجود ملک کو توانائی کی خودمختاری دینے میں مکمل طور پر ناکام رہی ہے۔ ماہرین کے مطابق   مودی سرکار زمینی حقائق کو بہتر بنانے کے بجائے صرف میڈیا مینجمنٹ اور اشتہار بازی کے ذریعے عوام کو گمراہ کر رہی ہے، جبکہ حقیقت میں بھارت توانائی کے تحفظ (Energy Security) کے محاذ پر پیچھے رہ گیا ہے۔