کیلیفورنیا: گوگل نے اپنے کروم ویب براؤزر میں ایک سنگین سکیورٹی خامی کی نشاندہی کے بعد فوری طور پر اپ ڈیٹ جاری کر دی ہے۔ کمپنی کے مطابق، کروم میں CVE-2026-2441 نامی سکیورٹی بگ دریافت ہوا ہے، جو صارفین کی پرائیویسی کے لیے خطرہ بن سکتا ہے۔
عام طور پر کروم خود بخود اپ ڈیٹ ہو جاتا ہے، لیکن اگر آپ نے خودکار اپ ڈیٹس کو بند کر رکھا ہے تو آپ کو اپنے براؤزر کو فوراً اپ ڈیٹ کرنا چاہیے۔ اس بگ کی موجودگی کروم کے بڑے صارفین کے لیے خطرہ بن سکتی ہے، کیونکہ دنیا بھر میں 50 سے 60 فیصد افراد کروم کو ویب براؤزنگ کے لیے استعمال کرتے ہیں۔
کروم براؤزر کو اپ ڈیٹ کرنے کا طریقہ:
کروم کے تھری ڈاٹ مینیو (تین نقطے) پر کلک کریں۔
"Settings" میں جائیں، پھر "About Chrome" پر کلک کریں۔
اگر براؤزر اپ ڈیٹ نہیں ہوا، تو آپ کو اپ ڈیٹ کا پیغام نظر آئے گا۔
اپ ڈیٹ ہونے کے بعد "Relaunch" پر کلک کریں اور کروم اپ ڈیٹ ہو جائے گا۔
اپنے کروم کو فوراً اپ ڈیٹ کریں تاکہ آپ سکیورٹی کے خطرات سے بچ سکیں۔