کیلیفورنیا: میٹا نے اعلان کیا ہے کہ وہ اپریل 2026 سے میسنجر ویب سائٹ (messenger.com) کو بند کر دے گی، تاکہ اپنی سروسز کو مزید آسان بنایا جا سکے۔
یہ پہلا موقع نہیں ہے کہ میٹا نے ایسی تبدیلی کی ہو۔ پچھلے سال، کمپنی نے ونڈوز اور میک کے لیے میسنجر ڈیسک ٹاپ ایپس بھی بند کر دی تھیں۔
میٹا کے مطابق، جو صارفین messenger.com کے ذریعے میسنجر تک رسائی حاصل کرنے کی کوشش کریں گے، انہیں ویب سائٹ کے بند ہونے کے بعد خود بخود facebook.com/messages پر منتقل کر دیا جائے گا۔
کمپنی نے کہا ہے کہ اپریل 2026 کے بعد میسنجر ویب سائٹ اور ڈیسک ٹاپ ایپ دونوں استعمال کے لیے دستیاب نہیں ہوں گے، لیکن صارفین اب بھی facebook.com/messages کے ذریعے میسجنگ جاری رکھ سکیں گے۔