کراچی: سندھ حکومت نے خواتین کو مزید بااختیار بنانے کے لیے ایک اہم اقدام اٹھایا ہے۔ وزیر اطلاعات شرجیل انعام میمن کے مطابق، کراچی کے مختلف علاقوں جیسے گلشنِ اقبال، کورنگی اور ملیر میں خواتین کے لیے سکوٹی چلانے کی تربیت شروع کر دی گئی ہے۔ اس تربیت کا مقصد خواتین کی محفوظ نقل و حرکت کو ممکن بنانا ہے تاکہ وہ خود انحصاری اور خود اعتمادی کے ساتھ سفر کر سکیں۔
وزیر اطلاعات نے مزید بتایا کہ حیدرآباد میں سکوٹی چلانے کی تربیت 18 دسمبر سے شروع ہو چکی ہے اور دیگر شہروں جیسے سکھر، لاڑکانہ، شہید بے نظیر آباد اور میرپورخاص میں بھی یہ پروگرام جلد شروع کیا جائے گا۔
یہ سکیم خاص طور پر ورکنگ خواتین اور طالبات کے لیے فائدہ مند ہوگی، کیونکہ ان کے لیے محفوظ سفری سہولتیں فراہم کرنا ضروری ہے۔ شرجیل انعام میمن نے کہا کہ خواتین کی خودمختاری صرف معاشی لحاظ سے نہیں بلکہ سماجی آزادی سے بھی جڑی ہے، اور اس تربیتی پروگرام کے ذریعے حکومت سندھ خواتین کو عملی آزادی دینے کی کوشش کر رہی ہے۔
اس سکیم کے تحت خواتین سکوٹی چلانے کی مہارت حاصل کریں گی جس سے ان کی زندگیوں میں ایک نیا تبدیلی آئے گا۔ درخواست دینے اور مزید معلومات کے لیے ویب سائٹ smta.sindh.gov.pk پر جا کر تفصیلات حاصل کی جا سکتی ہیں۔