کیلیفورنیا : سپاٹیفائی اور اوپن اے آئی نے مل کر ایک نیا فیچر متعارف کرایا ہے جس کے ذریعے اب آپ اپنی پسندیدہ موسیقی اور پوڈکاسٹ کی پلے لسٹ چیٹ جی پی ٹی کی مدد سے آسانی سے بنا سکتے ہیں۔ اس شراکت داری کا مقصد صارفین کو ذاتی نوعیت کی موسیقی اور پوڈکاسٹ کی سفارشات فراہم کرنا ہے۔
اوپن اے آئی نے سپاٹیفائی کے ساتھ مل کر یہ فیچر متعارف کرایا ہے، جس میں صارفین چیٹ جی پی ٹی میں سپاٹیفائی کا ذکر کر کے اپنی پسندیدہ موسیقی کے بارے میں سوالات کر سکتے ہیں۔ جب آپ پہلی بار ایسا کریں گے، تو ایک بٹن "Use Spotify for this answer" آپ کے سامنے آ جائے گا، جس پر کلک کر کے آپ اپنا سپاٹیفائی اکاؤنٹ چیٹ جی پی ٹی سے جوڑ سکتے ہیں۔
اکاؤنٹ منسلک کرنے کے بعد، چیٹ جی پی ٹی آپ کی موسیقی کی پسند، موڈ یا کسی خاص موقع کے مطابق پلے لسٹ، گانے یا پوڈکاسٹ تجویز کرے گا۔ یہ فیچر سپاٹیفائی کے مفت اور پریمیم دونوں صارفین کے لیے دستیاب ہے، لیکن پریمیم صارفین کو زیادہ ذاتی نوعیت کی سفارشات ملیں گی۔
اگر آپ چاہیں تو اپنے سپاٹیفائی اکاؤنٹ کو کسی بھی وقت چیٹ جی پی ٹی سے منقطع بھی کر سکتے ہیں، اور سپاٹیفائی نے واضح کیا ہے کہ آپ کا ڈیٹا مکمل طور پر محفوظ رکھا جائے گا، اور اسے صرف ذاتی نوعیت کی سفارشات کے لیے استعمال کیا جائے گا۔
یہ فیچر 6 اکتوبر 2025 کو متعارف کرایا گیا تھا اور دنیا کے 145 سے زائد ممالک بشمول پاکستان میں دستیاب ہے، جس سے صارفین کو ایک نئی اور ذاتی نوعیت کی موسیقی کا تجربہ ملے گا،