بینکاک : کمبوڈیا نے بڑھتی ہوئی کشیدگی کے پیش نظر تھائی لینڈ کے ساتھ تمام سرحدی گزرگاہیں بند کر دی ہیں۔ کمبوڈیا کے حکام کا کہنا ہے کہ تھائی فوج کے حملوں میں کئی شہری ہلاک ہوئے ہیں اور انفراسٹرکچر کو بھی نقصان پہنچا ہے۔
اس تناظر میں، امریکی صدر ڈونلڈ ٹرمپ نے دونوں ممالک سے فائر بندی معاہدے کا احترام کرنے کی اپیل کی ہے۔ وائٹ ہاؤس نے ایک بیان میں کہا کہ امریکہ چاہتا ہے کہ تھائی لینڈ اور کمبوڈیا امن کی جانب قدم بڑھائیں اور معاہدے کی پاسداری کریں۔
یہ سب اس وقت ہوا جب گزشتہ روز ٹرمپ نے دونوں ممالک کے درمیان فائر بندی کا دعویٰ کیا تھا اور کہا تھا کہ دونوں امن کے لیے تیار ہیں اور امریکی تجارت بھی جاری رکھے ہوئے ہیں۔ تاہم، گزشتہ ماہ تھائی لینڈ نے کمبوڈیا کے ساتھ طے پانے والے امن معاہدے پر عمل روک دیا تھا، جس کی وجہ سرحد کے قریب ایک بارودی سرنگ کا دھماکہ تھا جس میں دو تھائی فوجی زخمی ہوئے تھے۔