سندھ گورنر ہاؤس میں 'پتنگ' کٹ گئی، 'شیر' کی آمد: نہال ہاشمی نئے گورنر سندھ مقرر

اسلام آباد/کراچی: وفاقی حکومت نے سندھ کی سیاست میں بڑا سرپرائز دیتے ہوئے کامران ٹیسوری کو عہدے سے فارغ کر دیا ہے، جس کے بعد مسلم لیگ (ن) کے سینیئر رہنما نہال ہاشمی کو نیا گورنر سندھ تعینات کر دیا گیا ہے۔صدرِ مملکت آصف علی زرداری نے وزیراعظم شہباز شریف کی جانب سے بھیجی گئی سمری پر دستخط کر دیے ہیں، جس کے ساتھ ہی اکتوبر 2022 سے جاری کامران ٹیسوری کا دورِ اقتدار ختم ہو گیا ہے۔
    وزیراعظم ہاؤس میں اہم ملاقات: وزیراعظم شہباز شریف نے نہال ہاشمی سے خصوصی ملاقات کی اور انہیں نئی ذمہ داریاں سنبھالنے پر مبارکباد دی۔ اس اہم مشاورتی بیٹھک میں اسحاق ڈار، خواجہ آصف اور رانا ثناء اللہ بھی موجود تھے۔ سیاسی مبصرین اس تبدیلی کو ایم کیو ایم پاکستان کے لیے ایک بڑا دھچکا قرار دے رہے ہیں، کیونکہ گورنر ہاؤس اب باضابطہ طور پر مسلم لیگ (ن) کے کنٹرول میں آ گیا ہے۔
 وزیراعظم آفس سے جاری اعلامیے کے مطابق، تمام قانونی و آئینی تقاضے پورے کرنے کے بعد نہال ہاشمی کی تعیناتی کا عمل مکمل کر لیا گیا ہے۔
کامران ٹیسوری گزشتہ ڈیڑھ سال سے زائد عرصے سے گورنر سندھ کے فرائض انجام دے رہے تھے، تاہم وفاقی حکومت اور ن لیگ کے حالیہ فیصلوں نے سندھ کی سیاست کا رخ تبدیل کر دیا ہے۔