بیروت : لبنان میں اسرائیل اور حزب اللہ کے درمیان جاری جنگ کے دوران اب تک 634 شہری ہلاک اور 8 لاکھ سے زائد افراد بے گھر ہو چکے ہیں۔ ہلاک ہونے والوں میں 91 بچے اور 47 خواتین شامل ہیں، جبکہ 1500 سے زیادہ افراد زخمی ہوئے ہیں۔
اسرائیلی فضائی اور ڈرون حملے جنوبی اور مشرقی لبنان کے متعدد قصبوں میں جاری ہیں، جن میں بیت یاحون، قبریخا، طیر حرفا، مجدل زون، کفرا اور یاطر شامل ہیں۔ کچھ علاقوں میں رہائشیوں کو فوری انخلا کا حکم دیا گیا ہے۔
لبنان میں یہ جنگ اس وقت شروع ہوئی جب حزب اللہ نے ایران پر حملوں کے دوران ایرانی سپریم لیڈر علی خامنہ ای کے ہلاک ہونے کے جواب میں اسرائیل پر راکٹ داغے، اور اس کے بعد اسرائیل نے لبنان میں فضائی اور زمینی کارروائیاں تیز کر دی ہیں۔