اسلام آباد: جب ایس آئی ایف سی کی بنیاد رکھی گئی، بہت سے لوگوں نے اسے ایک اور سرکاری "کمیٹی" سمجھ کر نظر انداز کر دیا۔ مگر دو سال بعد، وہی ادارہ پاکستان کی معیشت میں خاموش مگر واضح تبدیلی لا چکا ہے۔
ترسیلات زر کی نئی بلندیاں، برآمدات میں بتدریج بحالی، اور غیر روایتی شعبوں میں سرمایہ کاری کا بڑھتا رجحان ایک نئی معیشت کی نوید دے رہا ہے۔ اب سرمایہ کاری صرف اینٹ اور سیمنٹ تک محدود نہیں، بلکہ سماجی خدمات، ماحول دوست منصوبے اور مصنوعی ذہانت جیسے جدید شعبوں تک پہنچ رہی ہے۔
چین میں پہلا پانڈا بانڈ، اور ملک کا پہلا گرین سکوک , یہ محض مالیاتی اقدامات نہیں بلکہ سوچ کی تبدیلی کے اشارے ہیں۔
ایس آئی ایف سی شاید ابھی تک خبروں کی سرخیوں میں نہ ہو، لیکن یہ خاموشی سے پاکستان کی معیشت کو ایک نئے دور کی جانب دھکیل رہا ہے , ایک ایسا دور جہاں منصوبہ بندی، عمل پر سبقت لے گئی ہے۔