کیلیفورنیا: امریکا کے خلائی ادارے ناسا کا 600 کلوگرام وزنی خلائی جہاز وان ایلن پروب اے تقریباً 14 سال بعد زمین کے ماحول میں داخل ہونے والا ہے۔ امریکی سپیس فورس کے مطابق یہ شام 7:45 بجے (ای ڈی ٹی) زمین کے قریب پہنچے گا۔
ناسا کے مطابق جہاز کا زیادہ تر حصہ جل کر ختم ہو جائے گا اور زمین پر کسی انسان کو نقصان پہنچنے کا امکان بہت کم ہے۔ زیادہ تر ملبہ سمندر میں گرنے کا امکان ہے۔
وان ایلن پروب اے اور اس کا جڑواں پروب بی 2012 میں زمین کے ریڈی ایشن بیلٹس کا مطالعہ کرنے کے لیے خلاء میں بھیجے گئے تھے۔ پروب بی ابھی بھی مدار میں موجود ہے اور 2030 سے پہلے زمین پر نہیں آئے گا۔