اسلام آباد: نائب وزیراعظم و وزیر خارجہ اسحاق ڈار نے ایرانی وزیر خارجہ عباس عراقچی سے ٹیلیفون پر رابطہ کیا، دونوں رہنماؤں کے درمیان علاقائی اور عالمی صورتحال پر تفصیلی تبادلہ خیال ہوا۔
گفتگو کے دوران نائب وزیراعظم اسحاق ڈار نے ایرانی وزیر خارجہ کو پاکستان، سعودی عرب اور ترکیہ کے مکہ جوائنٹ ڈیفنس معاہدے کی تفصیلات سے آگاہ کیا۔
دونوں وزرائے خارجہ نے خطے میں امن و استحکام کے فروغ کے لیے قریبی رابطے جاری رکھنے پر اتفاق کیا۔
اسحاق ڈار اور عباس عراقچی نے باہمی دلچسپی کے امور پر بھی تبادلہ خیال کیا اور مستقبل میں رابطہ برقرار رکھنے پر اتفاق کیا۔