اسلام آ باد : بنگلہ دیش کرکٹ بورڈ کے چیئرمین امین الاسلام پاکستان پہنچ گئے ہیں تاکہ وہ آئی سی سی اور پی سی بی کے ہنگامی اجلاس میں شرکت کر سکیں۔ اطلاعات کے مطابق، امین الاسلام اس اجلاس میں ورچوئل طور پر پی سی بی اور آئی سی سی کے سربراہوں کے ساتھ شامل ہوں گے۔
امین الاسلام اس دوران پاکستان کرکٹ بورڈ کے چیئرمین محسن نقوی سے بھی ملاقات کریں گے۔ اجلاس کے بعد، وہ شام کو ڈھاکا واپس روانہ ہو جائیں گے۔
ذرائع کے مطابق، اس اجلاس میں ممکنہ طور پر ایشین کرکٹ کونسل کے دیگر بورڈ ممبران بھی شامل ہوں گے، جہاں کرکٹ سے متعلق اہم فیصلے کیے جا سکتے ہیں۔