"معرکہِ حق" کا ایک سال مکمل: دہشت گردی کے خاتمے تک جنگ جاری رکھنے اور مکمل اتحاد کا بڑا اعلان

اسلام آباد / راولپنڈی: فیلڈ مارشل کے زیرِ قیادت لڑے گئے "معرکہِ حق" کا ایک سال مکمل ہونے پر خصوصی تہنیتی پیغامات جاری کیے گئے ہیں۔ اس موقع پر منعقدہ سیکیورٹی فورم نے ملک کی بقا اور سلامتی کے حوالے سے انتہائی اہم فیصلے کیے ہیں۔ فورم نے واضح کیا کہ ملکی خود مختاری اور سرحدوں کے تحفظ کے لیے پاکستان کے عوام، جمہوری حکومت اور غیور افواج ایک صفحے پر ہیں اور دشمن کے خلاف متحد کھڑے ہیں۔
فورم کی جانب سے عزم دہرایا گیا کہ دہشت گرد عناصر کے مکمل خاتمے تک آپریشنز کی رفتار میں کوئی کمی نہیں لائی جائے گی اور عسکری کارروائیاں پوری شدت سے جاری رہیں گی۔ معرکہِ حق کے یادگار سال کی کامیابی پر پوری قوم اور جوانوں کو مبارکباد پیش کرتے ہوئے شہداء کی قربانیوں کو بھی زبردست خراجِ عقیدت پیش کیا گیا۔