واشنگٹن: سابق امریکی صدر ڈونلڈ ٹرمپ نے کہا ہے کہ انہیں اس بات پر فخر ہے کہ انہوں نے پاکستان اور بھارت جیسے دو ایٹمی ممالک کے درمیان ممکنہ جنگ کو روکنے میں کردار ادا کیا۔
وائٹ ہاؤس میں جرمن چانسلر سے ملاقات کے دوران میڈیا سے گفتگو کرتے ہوئے ٹرمپ نے کہا کہ انہوں نے دونوں ملکوں کو واضح پیغام دیا کہ "اگر جنگ ہوگی تو تجارت نہیں ہو سکتی۔" ان کا کہنا تھا کہ اس موقف نے حالات کو بہتر بنانے میں مدد دی۔
ٹرمپ نے پاکستان کی قیادت کو "بہت مضبوط" قرار دیا اور کہا کہ وہ خطے میں امن کے لیے سنجیدہ کوششیں کر رہی ہے۔
روسی یوکرین تنازع پر بات کرتے ہوئے ٹرمپ نے کہا کہ وہاں جو حالات ہیں وہ افسوسناک ہیں۔ انہوں نے خدشہ ظاہر کیا کہ روس امن معاہدے پر دستخط نہیں کرے گا۔ ٹرمپ نے بائیڈن انتظامیہ پر تنقید کرتے ہوئے کہا کہ اس نے "خوفناک لوگوں" کو امریکہ میں آنے کی اجازت دی، اور اب ان کی ٹیم ایسے افراد کو ایک ایک کر کے ملک سے نکال رہی ہے۔ ٹرمپ کا کہنا تھا کہ امریکہ کو ایسے مزید افراد سے بچانے کے لیے سخت اقدامات کی ضرورت ہے۔