نیویارک : ناسا نے اعلان کیا ہے کہ کریو-12 مشن کے تحت خلا باز انٹرنیشنل سپیس اسٹیشن (ISS) جانے کے دوران اور آرٹیمس II مشن کے ذریعے چاند کے قریب فلائی بائی کرتے ہوئے جدید سمارٹ فونز اپنے ساتھ لے کر جائیں گے۔ اس کا مقصد خلا بازوں کو اپنے خصوصی لمحوں کی تصاویر اور ویڈیوز ریکارڈ کرنے کی سہولت فراہم کرنا ہے تاکہ وہ اپنے تجربات کو دنیا کے ساتھ شیئر کر سکیں۔
یہ پہلا موقع ہے کہ خلا باز اپنی ذاتی سمارٹ فونز کو خلائی مشن کے دوران اپنے ساتھ لے جا سکیں گے۔ ناسا نے اس بات کو یقینی بنانے کے لیے سخت حفاظتی تدابیر اختیار کی ہیں تاکہ یہ فونز کسی بھی اہم سسٹم کے کام میں مداخلت نہ کریں۔
اس سے پہلے، سوئز اور سپیس شٹل مشنز کے دوران سمارٹ فونز کا استعمال ممکن نہیں تھا، مگر جدید ٹیکنالوجی اور ناسا کی حفاظتی جانچ کے بعد یہ فیصلہ کیا گیا ہے۔ اس سے خلا بازوں کو نہ صرف اپنے یادگار لمحوں کو کیمرے میں قید کرنے میں مدد ملے گی بلکہ ان کے حوصلے اور جذبے میں بھی اضافہ ہوگا۔