برسلز : یورپی یونین نے ایلون مسک کی ملکیت والے سوشل میڈیا پلیٹ فارم ایکس (پہلے ٹوئٹر) پر آن لائن مواد سے متعلق قوانین کی خلاف ورزی کے باعث 140 ملین ڈالر کا جرمانہ عائد کیا ہے۔
یورپی کمیشن کا کہنا ہے کہ ایکس نے غیر قانونی اور نقصان دہ مواد کو روکنے کے لیے مناسب اقدامات نہیں کیے۔ اس فیصلے کے بعد تحقیقات کا عمل دو سال تک جاری رہا۔
یورپی یونین کا موقف ہے کہ یہ کارروائی ڈیجیٹل سروسز ایکٹ کے تحت آن لائن پلیٹ فارمز پر قوانین کی پاسداری کے لیے کی گئی ہے، اور اس کا مقصد کسی بھی ملک یا قوم کے خلاف نہیں تھا۔
اس فیصلے پر ایلون مسک نے ردعمل دیتے ہوئے کہا کہ "آزادیِ اظہار جمہوریت کی بنیاد ہے"، اور امریکی حکام نے اس فیصلے کو امریکی کمپنیوں کے خلاف جانبداری پر مبنی قرار دیا۔
اسی دوران، ٹک ٹاک نے اپنی پالیسیاں تبدیل کرتے ہوئے ممکنہ جرمانے سے بچاؤ کے لیے رعایتیں حاصل کر لی ہیں۔