لاہور: لاہور کے علاقے فیز 9 میں معروف سوشل میڈیا انفلوئنسر اسد اسحاق کے گھر میں چوروں نے گھس کر ڈکیتی کی واردات کی۔
نامعلوم ملزمان نے گھر کے دروازے توڑ کر اندر داخل ہو کر مختلف کمرے تلاشی لیے اور نقدی، سونا، قیمتی کیمرے اور دیگر اہم اشیاء لے گئے۔ اس وقت اسد اسحاق بیرون ملک تھے جبکہ ان کی اہلیہ گھر میں موجود تھیں۔
اسد اسحاق نے واقعے پر ردعمل دیتے ہوئے کہا کہ سیکیورٹی کیمرے اور نگرانی کے باوجود اس نوعیت کی چوری کا ہونا حیران کن ہے اور یہ ملزمان کی جرات کی نشاندہی کرتا ہے۔
پولیس نے مقدمہ درج کر کے تحقیقات کا آغاز کر دیا ہے اور سی سی ٹی وی فوٹیج کی بنیاد پر ملزمان کی شناخت اور گرفتاری کے لیے کوششیں جاری ہیں۔