غزہ : جنوبی غزہ میں اسرائیلی فوج کی گولہ باری سے تباہی اور خوف کا منظر برقرار ہے، جہاں مزید تین فلسطینیوں کو شہید کر دیا گیا ہے۔ اسرائیلی فوج نے ان پر "یلو لائن" عبور کرنے کا الزام عائد کیا ہے، اور مشرقی غزہ سٹی میں کئی کھیت اور مکانات مکمل طور پر تباہ ہو گئے ہیں۔
غزہ میں امدادی سامان کے داخلے کی اجازت دے دی گئی ہے، لیکن صورت حال ابھی بھی تشویشناک ہے۔ جنگ بندی کے بعد اسرائیل نے مزید پانچ فلسطینی قیدیوں کو رہا کر دیا، جن کے گھر واپسی پر جذباتی مناظر دیکھنے کو ملے، جب کہ لاکھوں فلسطینی اپنے تباہ شدہ گھروں میں واپس لوٹنے پر مجبور ہیں۔
دوسری جانب حماس نے اسرائیلی یرغمالیوں کی لاشوں کی تلاش کا عمل جاری رکھا ہوا ہے۔ غزہ کی موجودہ حالت میں بہت سی مشکلات کا سامنا ہے اور علاقے میں صورتحال ابتر ہو چکی ہے، جس سے فلسطینی عوام کی پریشانیاں اور بڑھ گئی ہیں۔