واشنگٹن: امریکی صدر ڈونلڈ ٹرمپ نے کابل ایئرپورٹ پر 2021 میں ہونے والے دہشت گردی کے حملے میں ملوث دہشت گرد کی گرفتاری میں پاکستان کی معاونت پر اظہار تشکر کیا ہے۔ اپنے خطاب میں ٹرمپ نے کہا کہ امریکہ نے اس دہشت گرد کی گرفتاری میں مدد حاصل کی ہے، جس پر انہوں نے پاکستان کا خصوصی شکریہ ادا کیا۔
صدر ٹرمپ نے اس بات کا ذکر کیا کہ 2021 میں داعش کے حملے میں 13 امریکی فوجی اور 170 افغان شہری ہلاک ہوئے تھے، اور اب اس دہشت گرد کو امریکہ منتقل کیا جا رہا ہے تاکہ وہ امریکی قوانین کا سامنا کرے۔
امریکی صدر نے افغانستان سے امریکی فوج کے انخلا پر تنقید کرتے ہوئے کہا کہ اس فیصلے کا امریکہ کی سکیورٹی پالیسی پر منفی اثر پڑ سکتا ہے۔ ان کا کہنا تھا کہ انخلا کے دوران دہشت گردی کے منصوبوں کو ناکام بنانے کے لیے مزید اقدامات کی ضرورت ہے۔
پاکستان کی خفیہ ایجنسی کی مدد سے گرفتار ہونے والے دہشت گرد کا نام محمد شریف اللہ ہے، جو داعش کے کمانڈر ہیں اور ان پر کابل ایئرپورٹ کے ایبی گیٹ پر 2021 میں ہونے والے دہشت گرد حملے کی سازش کا الزام ہے۔ اس حملے میں 13 امریکی فوجی اور 170 افغان شہری ہلاک ہوئے تھے۔