جاتی امراء میں اعلیٰ سطح کی بیٹھک، نواز شریف کا وزیراعظم اور وزیراعلیٰ کو مہنگائی کے خلاف 'جنگ' لڑنے کا حکم

لاہور: پاکستان مسلم لیگ (ن) کے قائد میاں نواز شریف نے وفاقی اور صوبائی حکومتوں کو کڑی ہدایت کی ہے کہ عوام کو ریلیف فراہم کرنا سیاست سے زیادہ اہم ہے، اس لیے مہنگائی کو لگام ڈالنے کے لیے غیر معمولی اقدامات کیے جائیں۔
گزشتہ روز جاتی امراء میں وزیراعظم شہباز شریف نے صدر مسلم لیگ (ن) نواز شریف سے ملاقات کی، جس میں وزیراعلیٰ پنجاب مریم نواز بھی شریک تھیں۔ ملاقات کے اہم نکات درج ذیل ہیں۔
 نواز شریف نے واضح کیا کہ عوام کی زندگیوں میں آسانی لانا ہی حکومت کی اصل کامیابی ہے۔ انہوں نے وفاق اور پنجاب کو ہدایت کی کہ ایسی مربوط پالیسیاں بنائی جائیں جس سے بنیادی اشیائے ضرورت کی قیمتوں میں نمایاں کمی آئے۔
 وزیراعظم شہباز شریف نے قائد ن لیگ کو عالمی مالیاتی اداروں کے ساتھ ہونے والے حالیہ مذاکرات اور بین الاقوامی سطح پر ہونے والی اہم تبدیلیوں کے بارے میں تفصیل سے آگاہ کیا۔ ملاقات میں ملک کی مجموعی سیاسی صورتحال پر بھی تبادلہ خیال کیا گیا اور اس عزم کا اعادہ کیا گیا کہ معاشی استحکام کے لیے سیاسی استحکام ناگزیر ہے۔
وزیراعلیٰ مریم نواز نے ملاقات میں پنجاب میں مہنگائی کنٹرول کرنے کے لیے کیے گئے حالیہ اقدامات اور انتظامی اصلاحات پر بریفنگ دی۔ نواز شریف نے مریم نواز کو ہدایت کی کہ صوبے میں غریب طبقے کے لیے براہِ راست امدادی پروگراموں کو مزید وسعت دی جائے۔
    قائد ن لیگ  نے کہاکہ "ہمیں ایسی گورننس کرنی ہے کہ عام آدمی کو اپنی جیب میں فرق محسوس ہو۔ مہنگائی کا خاتمہ ہماری اولین ترجیح ہونی چاہیے۔