لاہور وزیرِ اعلیٰ پنجاب مریم نواز نے ٹریفک قوانین کی خلاف ورزی پر کم عمر طلبہ کو گرفتار کرنے سے روک دیا اور بچوں پر ہتھکڑیاں لگانے کے عمل پر شدید برہمی کا اظہار کیا۔
مریم نواز نے 16 سال کے بچوں کے لیے اسمارٹ کارڈ اور موٹر سائیکل ڈرائیونگ لائسنس کے اجراء کا اصولی فیصلہ کیا اور ہدایت دی کہ پنجاب بھر میں طلبہ اور عوام کے لیے ہفتۂ آگاہی منایا جائے۔ انہوں نے کہا کہ ہیلمٹ نہ پہننے کی پہلی خلاف ورزی پر صرف وارننگ چالان جاری کیا جائے گا۔
وزیرِ اعلیٰ پنجاب نے والدین پر زور دیا کہ وہ اپنے بچوں کو روڈ سیفٹی کی اہمیت اور ہیلمٹ پہننے کی عادت ڈالیں، اور ٹریفک پولیس کو عوام کے ساتھ عزت و احترام کے ساتھ پیش آنے کی ہدایت دی۔
اس موقع پر بریفنگ میں بتایا گیا کہ ٹریفک قوانین کی خلاف ورزی پر 2445 پولیس گاڑیاں قانون کی زد میں آئیں۔ مریم نواز نے کہا کہ قوانین عوام کی جان کی حفاظت کے لیے بنائے گئے ہیں، اور ہر شہری کو ان پر عمل کرنا چاہیے۔