راولپنڈی: ملک بھر میں جاری انسداد سمگلنگ آپریشنز کے دوران 69.640 کلو گرام منشیات پکڑی گئی، جس کی مالیت 10 کروڑ روپے سے زائد ہے۔
اینٹی نارکوٹکس فورس (اے این ایف) کی جانب سے جاری کردہ بیان کے مطابق سات مختلف کارروائیوں میں 6 ملزمان کو گرفتار کیا گیا اور بڑی مقدار میں منشیات برآمد کی گئی۔
تعلیمی اداروں میں منشیات کی اسمگلنگ کا سراغ: اے این ایف حکام نے رنگ روڈ پشاور، اسلام آباد اور اٹک میں منشیات کی اسمگلنگ کی کوششوں کو ناکام بنایا۔ پشاور میں 2 کلو چرس، اسلام آباد میں 1.8 کلو چرس اور اٹک میں 840 گرام چرس ضبط کی گئی۔ ملزمان نے اعتراف کیا کہ وہ تعلیمی اداروں کے طلبہ کو منشیات فراہم کر رہے تھے۔
دیگر کامیاب کارروائیاں: کچلاک بائی پاس روڈ، کوئٹہ کے قریب 58 کلو ہیروئن برآمد کی گئی۔ اسلام آباد کے ایم ون موٹر وے پر ایک ملزم سے 4.8 کلو چرس اور ایک پستول برآمد ہوا، جب کہ ڈیرہ اسماعیل خان میں ایک کلو آئس بھی پکڑی گئی۔