کراچی: مقامی صرافہ مارکیٹ میں سونے کی قیمت میں نمایاں گراوٹ دیکھی گئی، جس کے نتیجے میں فی تولہ سونا 5 ہزار 200 روپے سستا ہوگیا۔
آل پاکستان جیمز اینڈ جیولرز ایسوسی ایشن کے جاری کردہ تازہ اعداد و شمار کے مطابق کمی کے بعد ایک تولہ سونے کی نئی قیمت 4 لاکھ 19 ہزار 636 روپے مقرر کی گئی ہے۔
اسی طرح 10 گرام سونے کی قیمت میں بھی 4 ہزار 458 روپے کی کمی ریکارڈ کی گئی، جس کے بعد اس کا نیا ریٹ 3 لاکھ 59 ہزار 770 روپے ہو گیا ہے۔
صرافہ ایسوسی ایشن کے مطابق تازہ نرخ فوری طور پر ملک بھر کی مقامی مارکیٹوں میں نافذ العمل ہوں گے۔