Image Source : MN Twitter

نواز شریف نے اپنی صاحبزادی مریم نواز کو کیا تاکید کی ؟اہم خبر
31 May 2019 (22:39) 2019-05-31

لاہور :مسلم لیگ ن کی نائب صدر مریم نواز نے کہا ہے کہ نواز شریف کو تو قید کرسکتے ہو، اس کے نظریے کو قید نہیں کرسکتے،، نوازشریف کا نظریہ ووٹ کی حکمرانی ہے جوہار نہیں سکتا اس نظریے کو کامیاب ہی ہونا ہے۔

تفصیلات کے مطابق جمعہ کو مسلم لیگ ن کی نائب صدر مریم نواز نے سماجی رابطے کی ویب سائٹ ٹویٹر پر لکھا ہے کہ نواز شریف کا نظریہ آئین، قانون اور عوام کی حکمرانی ہے۔مریم نواز نے کہا کہ نواز شریف کا نظریہ ووٹ کی حکمرانی ہے جو کبھی ہار نہیں سکتا، اس نظریے کو کامیاب ہی ہونا ہے انشااللہ۔ نواز شریف کی صاحب زادی نے اپنے ٹویٹ میں والد کی ایک تصویر بھی شیئر کی جس میں لکھا ہے نظریے زنجیروں میں نہیں جکڑے جاتے۔ نواز شریف کو تو قید کر سکتے ہو، اس کے نظریے کو نہیں۔

اس کا نظریہ آئین اور قانون کی حکمرانی ہے، عوام کی حکمرانی ہے، ووٹ کی حکمرانی ہے اور یہ نظریہ کبھی ہار نہیں سکتا۔ اس کو کامیاب ہی ہونا ہے انشااللہ!۔واضح رہے کہ گزشتہ روز بھی مریم نواز نے ٹویٹر پر لکھا تھا کہ میاں صاحب سے ملاقات کے دوران معلوم ہوا کہ پچھلے دنوں سے ان کی طبیعت خراب ہے اور تین بار انجائنا کا اٹیک بھی ہوا مگر انہوں نے مجھے تاکید کی کہ کسی بھی ریلیف کے لیے ان کی بیماری کی تشہیر نہ کی جائے۔

مریم نواز کے مطابق نواز شریف نے معاملہ اب اپنے اور اللہ کے درمیان قرار دیا۔ایک اور ٹویٹ میں ان کا کہنا تھا کہ انہیں گزشتہ پورے ہفتے نواز شریف سے ملاقات کی اجازت نہیں دی گئی تھی انہوں نے دعوی کیا کہ محکمہ داخلہ کے ایک افسر نے بتایا کہ یہ احکامات اوپر سے جاری ہوئے۔


ای پیپر