Image Source : Facebook IK

وزیر اعظم عمران خان کی افغان صدر سے اہم ملاقات ،اندرونی کہانی سامنے آگئی
31 May 2019 (22:20) 2019-05-31

مکہ :وزیرا عظم عمران خان نے افغانستان کے استحکام کے لئے حمایت جاری رکھنے کا اعلان کرتے ہوئے کہاہے کہ پا کستان خطے میں امن کاخواہاں ہے، افغانستان میں استحکام کے لئے بھرپور حمایت جاری رکھیں گے ، پاکستان افغان امن عمل کے سیاسی حل کے لئے تعاون کرے گا۔

افغان صدر کا دورہ پاکستان تعلقات کی مضبوطی میں مددگار ثابت ہوگا ، سیاسی، سیکیورٹی اوراقتصادی معاملات میں تعاون کوفروغ دیں گے۔ وزیرا عظم عمران خان اور افغان صدر اشرف غنی کی جمعہ کو ملاقات ہوئی۔

مکہ میں ہونے والی اس ملاقات میں دونوں ممالک کے سربراہان میں افغان امن مذاکرات پر تبادلہ خیال ہوا۔اس موقع پر وزیر اعظم عمران خان نے کہا کہ پاکستان خطے میں امن کاخواہاں ہے، افغانستان میں استحکام کے لئے بھرپور حمایت جاری رکھیں گے۔وزیراعظم نے کہا کہ پاکستان افغان امن عمل کے سیاسی حل کے لئے تعاون کرے گا، افغان صدر کا دورہ پاکستان تعلقات کی مضبوطی میں مددگار ثابت ہوگا۔

انھوں نے کہا کہ سیاسی، سیکیورٹی اوراقتصادی معاملات میں تعاون کوفروغ دیں گے۔یاد رہے گذشتہ روز وزیراعظم عمران خان مدینہ منورہ پہنچے تو روضہ رسول صلی اللہ علیہ وآلہ وسلم پرحاضری دی، اس موقع پر روضہ رسول کے دروازے خصوصی طور پرکھولے گئے، انہوں نے مسجد نبوی میں نمازعصرپڑھی اورریاض الجنہ میں نوافل اداکئے۔بعد ازاں وزیراعظم عمران خان مدینے میں روضہ رسول پر حاضری دینے کے بعد سعودی شہر جدہ پہنچے تو مکہ کے گورنرپرنس خالد بن فیصل نے اہم حکومتی اہلکاروں کے ہمراہ ایئر پورٹ پر ان کا شاندار استقبال کیا۔

وزیراعظم عمران خان نے اپنی اہلیہ بشری بی بی اور وفاقی وزرا کے ہمراہ عمرہ کی سعادت حاصل کی اور پاکستان کی ترقی وخوشحالی کے لیے خصوصی دعائیں کیں۔خیال رہے وزیراعظم عمران خان سعودی فرمانرواشاہ سلمان کی دعوت پردورہ کررہے ہیں۔


ای پیپر